Mona Tarek's Notizen, 07 Apr 22

اولا لازم تتابعى مع دكتور علشان الأنيميا لان نقص الفيتامينات بتبوظ الحرق وثانيا احسبى سعراتك محتاجة قد إيه للوزن الحالى وقللى منها شويه هاتخسى مع منع السكر الابيض والدقيق الابيض من عيش عادى وفينو والبرنامج هنا بيساعدك 🌹🌹 

كلى باعتدال اه يعنى كلى بروتين الياف دهون صحية و كارب قليل اقل حاجة فى الطبق ولو تعرفى تمنعيه فوجبة و وجبة تانية تخديه يكون كويس وطبعا سكر قليل جدااا او تمنعيه براحتك دا انا كنت ماشيه عليه ومش ملتزمة الصراحة اوى فيه بس كنت بحاول على قد مقدر عشان مبحبش امنع نفسى من حاجة فنزلت من ٧٠ ل٥٧ فى وقت طويل، لكن متعبتش ولا وشى خس ولو كنت التزمت اكيد كنت وصلت اسرع بكتير  

عمرها مكانت بالتقليل في الاكل انتي كده بتخسري من صحة الجسم ما شاء الله عليكي وصلتي لمرحله ممتازه اللهم بارك ⬅️ بصي كده غيري هدفك وسيبك من الميزان راقبي المقاسات وامشي لو كارب ونقص بسيط بالسعرات الهدف هيكون صحتك وتحسين شكل الجسم ودي مرحله لازم اي حد عامل دايت ونزل من وزن عالي يوصلها ⬅️ هتستهدفي نوعيات الاكل وليس الكميات هتعلجي الانيميا علشان تحسني الصحه العامه ولما تعلجيها هيكون عندك الطاقه لممارسة الرياضه وملهاش بديل علشان توصلي لنقطه الرضا عن شكلك وليس وزنك ربنا يوفقك 💪💪 

شكرا يجماعه بجد حمستوني اوي و انا اصلا منعت حلويات خالص رمضان ده و مبشربش مشروبات سخنه او عصاير ف مش باخد سكر و الكارب قليل اوي و انا سامعه كلامكو و منتظمه اهو و شكرا اوي لكلامكم الحلو الي بيدعم و يا رب كلنا نوصل لاهدافنا  

om anas99 ما هو ده الي قالقني بقى ان نقص الفيتامينات يمكن هو الي مخلي حرقي ضعيف و انا اعترف ان الغلط مني كان كل اهتمامي اني اخس ايا كانت العواقب بس هحاول اكل حاجات فيها الفيتاميات الي محتاجاها بس الانيل ان نقص ب بيقلل امتصاص الباقي🙂😂 

mariam ehab عاش اوي حتى لو ف مده طويله انتي عملتي انجاز جامد  

رساله بس لام حبيبه انتي قمر اوي انا لاحظت انك معايا و بتدعميني بتعليقاتك العسل دي من زمان شكرا اوي بجد💕💕💕 

mon Tarek ماتسيبيش نفسك لازم تعدلى الأنيميا وخصوصا فيتامين ب لان نقصة خطر على الصحة بالكامل  

يعني بتكلي اي علشان تدخلي ٣٠٠ سعره بس 😂😂 ي وليه دا نص رغيف العيش ف اكتر من كده 

poooo7ppp0 لا ما هما بالسحور بقو ٦٠٠ و كمان انا الله ينور عليا عكيت انهاره و كلت مهلبيه عشان بحبها ده انا وليه متخلفه فعلا اقاوم البسبوسه و الكنافه و مقاومش المهلبيه😂 

om anas99 هحاول اعوضه  

بلاش عجز سعرات لانه نظام غير دقيق وعلي المدي البعيد سهل ترجعي تاني للاول الافضل وخصوصا ف رمضان ومع الصيام انك تعملي لوكارب هيعلي عندك الحرق اكتر من عجز السعرات هتهتمي بنوعية الاكل وليس الكمية وكذلك عدد المرات يعني كلي ف المرة الواحدة لحاد ما تشبعي بس اكل. صحي بروتين. يكون. اساسي وإعتمادي دهون صحية ( ذبدة سمنة زيت زيتون وغيره) خلي طبق خضار ف وجبتك. اساسي مع طبق السلطة وقتها مش هتلاقي نفسك بتاخدي كربو كتير وكمان. هيكون ف شعور بالشبع لاكبر فترة ممكنة وربنا يوفقك  

اول سبب لزيادة الوزن السريع العجز الكبير فى السعرات بيسبب ضعف الحرق ولما ترجعى للسعراتك الطبيعيه بيعتبرها الجسم زيادة وبتتخزن دهون. العلاج زيادة السعرات تدريجيا كل اسبوع بنظام صحى مع زيادة المياة والرياضه علشان معدل الحرق يزيد والمرحلة دى صعبه وبتاخد من شهر إلى ثلاث شهور  

بصي انتي تاكلي عادي الاكل الي في البيت بس تقللي الكميه وتاكلي نص خبزه في اليوم وتقليلي كميه الرز واهم حاجه الرياضه