maryamsalah532's Notizen, 04 Sep 22

انتي محتاجه تعرفي ان مجرد تغير شكلك ولو حاجه بسيطه ده انجاز جامد مش بسيط زي ما انتي معتقده الاوزان الي بتكون قريبه للمثالي بيكون في بطء شويه في النتائج طالما نظامك متوازن ومش جايه على نفسك اوفر هو ده الصح الوزن مجرد رقم طالما صحتك بتتحسن وشكلك كمان بيتحسن تبقي ماشيه صح جددي في اكلك اعملي وصفات دايت حلوه اعتبريها مكافأه لنفسك علشان بتهتمي بنفسك 😉  

دي حاجة تحتمل سبب من اتنين : السبب الأول إن يكون كمية الاكل أو السعرات الحرارية في الأكل مساوية لعدد السعرات الحرارية اللي الجسم محتاجها يومياً .. و بالتالي مفيش حرق من المتخزن في الجسم .. أو حرق قليل السبب التاني إن يكون حصل حاجة اسمها مقاومة الانسولين .. و دة بيحصل لما الجسم يحس إنه داخل في دايت و تقليل أكل .. يقوم يقفش علي الدهون المتخزنة و مايرضاش يحرق .. قال يعني بيحوش لبكرة طيب نفرق ازاي بين السببين ؟؟ ندخل علي موقع bmr calculator دة عبارة عن آلة حاسبة بنكتب فيها الطول و السن و الوزن الحالي .. و تطلعلنا عدد السعرات اللي الجسم محتاجها يومياً لأداء الوظايف بتاعته المفروض إننا ناكل حاجات فيها سعرات اقل من اللي الجسم محتاجها .. عشان الجسم يكمل باقي اللي محتاجه بإنه يحرق من الدهون المتخزنة.. و ممكن نزود الحرق بشوية رياضة زي المشي يوميا نص ساعة قارني بقي سعرات الاكل باللي الجسم محتاجه و شوفي بتاكلي اكتر ولا اقل .. عشان تظبطي اكلك اما لو الموضوع مقاومة أنسولين فاهو هايروح لوحده بعد فترة و الجسم هايرجع يحرق تاني بس محتاج مواظبة علي نظام الدايت .. حتي لو مش شايفة نتيجة دلوقت بس هاتلاقي النزول بيحصل بسرعة بعد ما الجسم يفقد المقاومة و يلاقي انه مجبر يحرق عشان يوفي احتياجاته