Registrieren
|
Anmelden
Schweiz
Suche:
Lebensmittel
Rezepte
Fitness
Mitglieder
Mein FatSecret
Lebensmittel
Rezepte
Fitness
Community
Community
Mitglieder
Soosss
Notizen
Soosss's Notizen
Soosss's Profil
|
Gewichtsverlauf
46 bis 50 von 121
Seite:
Vorheriges
...
6
7
8
9
10
11
12
13
14
...
Weiter
09 September 2020
السكر ..
أخويا وحبيبي وعشرة عمر انا طول عمري بعشق السكريات بكل أنواعها لدرجة أني سعات لما ميكونش في أي حلويات فالبيت كنت باكلة بالمعلقة كنت بعتبرة المسبب الرئيسي للسعادة وكان يقدر أستهلاكي حوالي ٣٠٠ جرام كل يوم طبعا حسبتها بعد ما بطلتة الحمد لله لكن قبل كدة كنت علي الله .
لما توقف السكر هتعرف أنة السبب الحقيقي للأكتئاب ودي موجودة عالنت ممكن تتأكدوا من كلامي كمان مشاكل المعدة عموما عسر الهضم وغيرها لأنة بيأثر علي أمتصاص الجسم للفيتامينات حتي علي البشرة مضر السبب الرئيسي للحبوب والبقع الي بتظهر فجأة ومتبقاش عارف من ايه ممكن أكمل للصبح عن أضرار السكر حتي فكوكب الغرب الشقيق مينفعش تعمل أعلان فالتليفزيون عن السكر لأنهم بيعتبروا أستغفر الله العظيم سلعة مضرة طبعا احنا منعرفش الكلام دة من كباية الشاي للتورتة كلة سكر فسكر بتمني الكل يجرب يبطل سكر ولو لشهر واحد بجد الفرق حلو جدا ويستحق التجربة .
Kommentar hinzufügen
09 September 2020
أعرف ديما أنت بتاكل إية وهيأثر عليك إزاي معظم أكل الشارع حتي أكل البيت بتبقي مقاديرة مبالغ فيها خصوصا فالدهون مفيش بيت بيخلي من بطرمان السمنة وازازة الزيت لكن مفيش حد بيحدد الكميات بتبقي بالبركة وده طبعا لأن كلنا عارفين أن الدهون بتغير طعم الأكل وبتديلة دسامة ودي حاجة احنا كعرب متفق عليها كلنا بنحبها ودة طبع فبالتالي لو قلتلك مثلا تقدر تحسب كام سعر حراري أو ماكرون فالمكرونة البشامل بتاعت الحاجة مستحيل تعرف لأن أصلا قبل أي كلام في معلقة سمنة كبيرة بتتسيح وبعدين نشوف هنعمل اي ودي لوحدها كفيلة تخلي الأكل غير متزن صحياً ويخلي نسبة الدهون فجسمك تزيد وتتخن المشكلة ان احنا بناكل كدة كل يوم والموضوع بيتطور فالمناسابات والأعياد الي هي طول السنة فمنين هتجيب جسم صحي حتي لو كنت رفيع ..
*بالنسبالي الأكل عادة لما بطلت الأكل الغير صحي وبدأت أكل أكل صحي مفيهوش دهون مصنعه وزيوت وسكر ودقيق وكل مشتقاتهم خسيت لو شايف الكلام دة صعب انا نفسي كنت شايفة مستحيل من فترة لكن مفيش حاجة مستحيلة ودة الي انا اتعلمتة .
(13 Kommentare)
07 September 2020
رسالة لكل شخص حقق إنجاز وقدر يخس إنت مسئول .
لازم تنقل خبرتك لشخص تاني ولازم تقف مع أي حد تعرفة بيحاول أو حتي مش بيحاول لما حد يسألك عملت كدة إزاي اشرحلة ولو لقيت أنة بيسجيب أقف جنبة وأوعي تبخل علي حد بحاجة زي ما ربنا ساعدك ووصلت لازم أنت كمان تساعد .
ولكل أنسان بيحاول وفاكر نفسة فاشل أنا بقالي ١٠ سنين حرفيا بحاول أخس وانا طول عمري كنت تخين من وانا طفل والأنجاز الي ربنا أنعم عليا بية حصل فأخر ٥ شهور بس ..
كل ما تحس أنك فشلت حاول تاني وابتدي مالأول يمكن المرة دي تضرب معاك وتنجح ..
#الحمد _لله
Gewicht:
Bisher verloren:
Still to go:
Diät befolgt:
81 kg
27 kg
6 kg
Recht gut
(5 Kommentare)
Verlust von 1,4 kg pro Woche
02 September 2020
ماشيين نحو الهدف الجديد بخطواط بطيئة شوية لكن منتظمة بدأت أحس أن الموضوع مش أكتر من شوية وقت
#الحمد لله
Gewicht:
Bisher verloren:
Still to go:
Diät befolgt:
82 kg
26 kg
7 kg
Recht gut
Kommentar hinzufügen
Verlust von 1,4 kg pro Woche
31 August 2020
يا جماعة حابب أتكلم عن حاجة مهمة في ناس بتقول أشمعني انا ما في ناس بتاكل علي كيفها وعمرها ما بتتخن احب أقولك انت بتشوف الموضوع من برة بس ونظرتك سطحية لو شايف انك عايز ففي ناس تانية هتموت وتتخن نص كيلو حتي ومش بتعرف ومن تجربتي أنك تخس أسهل من أنك تتخن بكتير ف أنت لو بصيت عالموضوع صح هتفهم إن الكل مبتلي بالعكس أبتلائك سهل عن الناس دي هما ممكن يبانولك سعداء لكن لو دققت هتلاقي كل واحد نفسة فحاجة أرضي بالوضع الي انت علية الأول وبعدين فكر فتغيير واتأكد أنك لما تستحق حلمك هيتحقق وبدون أي معجزات ربنا أسمة العدل مش ممكن تبقي بتتعب و يبخل عليك ..
#الحمد_لله
(3 Kommentare)
Soosss's Gewichtsverlauf
Kompletten Verlauf ansehen